پیٹرولیم مصنوعات کی قیمتوں میں بڑی کمی کا امکان

ملک میں 16 فروری سے اگلے 15 دنوں کیلئے پیٹرولیم مصنوعات کی قیمتوں میں بڑی کمی متوقع ہے۔

ذرائع کے مطابق ہائی سپیڈ ڈیزل کی قیمت نو روپے گیارہ پیسے فی لٹر کم ہوسکتی ہے۔ جبکہ پٹرول کی فی لٹر قیمت میں ڈھائی روپے تک کمی کا امکان ہے۔ مٹی کا تیل تین روپے پینتالیس پیسے اور لائٹ ڈیزل پانچ روپے ساٹھ پیسے فی لٹر تک سستا ہو سکتا ہے۔

قیمتوں میں کمی عالمی مارکیٹ میں خام تیل کی قیمتوں کے تناسب سے ہوگی۔ حکام نے پیٹرولیم مصنوعات سے متعلق ورکنگ اوگرا کو بجھوا دی ہے۔

اوگرا عالمی مارکیٹ کے تناسب سے حتمی ورکنگ 15 فروری کو حکومت کو بھجوائے گا۔ وزیر اعظم شہباز شریف پیٹرولیم قیمتوں سے متعلق حتمی منظوری دیں گے۔ وزارت خزانہ آئندہ 15 روز کیلئے قیمتوں کا نوٹیفکیشن جاری کرے گی۔